မန္တလေးမြို့တော် စည်ပင်သာယာရေး ကော်မတီရွေးကောက်ပွဲဆိုင်ရာပါတီစုံဆွေးနွေးပွဲ
မြို့တော်စည်ပင်ရွေးကောက်ပွဲများသည် ဒီမိုကရေစီနည်းကျဒေသန္တရအုပ်ချုပ်ရေးဆိုင်ရာလုပ်ငန်းများ အကောင်အထည် ဖော်ရာတွင် အခြေခံအုတ်မြစ်များဖြစ်ရာ လွန်စွာအရေးကြီးသည့်အခန်းဏ္ဍတစ်ရပ်လည်းဖြစ်ပါသည်။ ပါတီများနှင့် ဒီမိုကရေစီဆိုင်ရာဒိန်းမိတ်အင်စတီကျု (DIPD) ၏ မြန်မာပါတီစုံဒီမိုကရေစီအစီအစဉ်မှ မန္တလေးမြို့ စည်ပင် သာယာရေးကော်မတီ ရွေးကောက်ပွဲကာလတွင် နိုင်ငံရေးပါတီများအကြား ချိတ်ဆက် ဆွေးနွေးနိုင်မည့် အခွင့်အလမ်း တစ်ရပ် ပေါ်ထွက်လာစေရန်နှင့် နိုင်ငံရေးပါတီများနှင့် အခြားသော ဆက်စပ်ပါဝင်သူများထံသို့ မန္တလေးမြို့ စည်ပင်သာယာရေး ကော်မတီရွေးကောက်ပွဲများ နှင့် စပ်လျဉ်းသည့် သတင်းအချက်အလက်အား မျှဝေပေးရန် ရည်ရွယ်၍ မန္တလေးမြို့တော် စည်ပင်သာယာရေး ကော်မတီရွေးကောက်ပွဲဆိုင်ရာပါတီစုံဆွေးနွေးပွဲ ကို မန္တလေးမြို့ Wilson Hotel တွင် သြဂုတ်လ (၁၇) ရက်နေ့တွင်ကျင်းပခဲ့ပါသည်။
ဥပဒေပြုရေးဆိုင်ရာကော်မတီ ဥက္ကဌပြည်သူ့ရေးရာကော်မတီအဖွဲ့ဝင် ဦးတင်အောင်မှ ဆွေးနွေးစဉ်
“ မြို့တော်စည်ပင်သာယာရေးကော်မတီ ရွေးကောက်ပွဲတွေဆိုတာ ဒီမိုကရေစီစနစ်အတွက် အရေးပါသော ရွေးကောက်ပွဲများ ဖြစ်သလို ဒီမိုကရေစီနည်းကျ ဒေသန္တရအုပ်ချုပ်ရေးကိုအကောင်အထည်ဖော်ရမှာလည်း အရေးကြီးလှတဲ့ အခန်းကဏ္ဍတစ်ခုဖြစ်တယ်” ဟု ဒါနရှေ့ဆောင်မြန်မာမှ Governance Program ၏ Deputy Program Director ဦးကြည်မင်းဟန်မှ ပြောကြားကာ မြို့တော်စည်ပင်ရွေးကောက်ပုံအဆင့်ဆင့်အကြောင်းကို မျှဝေခဲ့ပါသည်။
ဆွေးနွေးပွဲတွင် မန္တလေးတိုင်းဥပဒေပြုရေးဆိုင်ရာ ကော်မတီဥက္ကဌ ဦးတင်အောင်၊ ၂၀၁၅ မန္တလေးမြို့နယ်စည်ပင်သာယာရေးကော်မတီဝင်(ငြိမ်း) ဦးဌေးအောင်၊ အရပ်ဖက်လူ့အဖွဲ့အစည်းများမှ ဦးကြည်မင်းဟန်နှင့် ဦးတင်ထွန်းအောင်တို့မှ စည်ပင်ရွေးကောက်ပွဲလုပ်ငန်းစဉ်များ၊ မြို့တော်စည်ပင်ရွေးကောက်ပွဲဥပဒေ နှင့် ပြည်နယ်နှင့်တိုင်းဆိုင်ရာ မြို့နယ်စည်ပင် ရွေးကောက်ပွဲ ဥပဒေများ ကွဲပြားပုံ၊ ယခင် မန္တလေးမြို့နယ် စည်ပင်ရွေးကောက်ပွဲ အတွေ့အကြုံများအားမျှဝေခြင်းနှင့် ရွေးကောက်ပွဲအပေါ် မန္တလေးမြို့ပေါ်လူထု၏ အမြင်များကို ကဏ္ဍအလိုက် တင်ပြဆွေးနွေးခဲ့ကြသည်။
တက်ရောက်လာသော နိုင်ငံရေးပါတီများမှလည်း ယခင်နှစ် ပြင်ဆင်ထားသော စည်ပင်ရွေးကောက်ပွဲဆိုင်ရာဥပဒေ နည်းဥပဒေများကို မေးမြန်းဆွေးနွေးခြင်း၊ ရွေးကောက်တင်မြောက်ခံခြင်းဆိုင်ရာ ဥပဒေတချို့နှင့် မဲပေးခွင့်ရှိသူဆိုင်ရာ ပြဌာန်းထားသော ဥပဒေများကို ဆွေးနွေးခဲ့ကြသည်။ ထို့အပြင် မြို့တော်စည်ပင်သောယာရေးကော်မတီ ရွေးကောက်ပွဲတွင် ပါတီများ၏ အခန်းကဏ္ဍများကို ဆွေးနွေးခဲ့ကြရာ ရွေးကောက်ပွဲမတိုင်ခင် နိုင်ငံရေးပါတီများမှ ရွေးကောက်ပွဲဆိုင်ရာ လုပ်ငန်းစဉ်များနှင့် ဥပဒေများအား ပြည်သူများအား အသိပညာပေးကြရန် သဘောတူခဲ့ကြသည်။
ဆွေးနွေးပွဲလက်ေ၇ာက်သူများမှတ်တမ်းတင်ခြင်း
“အရင်နှစ်သင်ခန်းစာအရတော့ မြို့တော်စည်ပင်ရွေးကောက်ပွဲဖြစ်စဉ်ရော ဥပဒေရောလူသိနည်းခဲ့တယ်။ မဲပေးသူပါဝင်မှု ၅၀ ရာခိုင်နှုန်းထက်နည်းတယ်။ အသိပညာပေးဖို့လိုတာပေါ့။ သည်နှစ်တော့ လူထုအသိပညာပေးဖို့ မန္တလေးမြို့တော်စည်ပင်သာယာရေးသတင်းစာမျက်နှာတွေ၊ မန္တလေး FMတို့ တခြားမီဒီယာတွေကို အသုံးပြုပြီးလူထုပိုစိတ်ဝင်စားပြီး ပါဝင်အောင်လုပ်ဆောင်သင့်သလို နိုင်ငံရေးပါတီများ၊ အရပ်ဖက်လူ့အဖွဲ့အစည်းများမှ လည်း ပူးပေါင်းပါဝင်ဖို့ လိုတယ်” ဟု ယုံကြည်ရာအသိပညာပြန့်ပွားရေးအသင်းနှင့် အခမဲ့စာကြည့်တိုက်မှ တာဝန်ရှိသူ ဦးတင်ထွန်းအောင်မှလည်း အကြံပြုဆွေးနွေးသွားပါတယ်။
မန္တလေးမြို့တော် စည်ပင်သာယာရေး ကော်မတီရွေးကောက်ပွဲဆိုင်ရာပါတီစုံဆွေးနွေးပွဲ ကျင်းပရာတွင် ဒါနရှေ့ဆောင်မြန်မာနှင့် မန္တလေးမြို့ရှိ ယုံကြည်ရာအသိပညာပြန့်ပွားရေး အသင်း နှင့် အခမဲ့စာကြည့်တိုက်တို့မှလည်း မိတ်ဖက်အဖွဲ့အစည်းများအဖြစ် ပူးပေါင်းပါဝင်ခဲ့ကြသည်။ ဆွေးနွေးပွဲသို့ မန္တလေးမြို့ရှိ မြို့တော်စည်ပင်ရွေးကောက်ပွဲ ဧရိယာအတွင်းရှိသော မြို့နယ် (၆) မြို့နယ်ရှိ ပါတီ ၁၄ ခုမှ တိုင်းဗဟိုအမှုဆောင်ကော်မတီအဖွဲ့ဝင်များ၊ မြို့နယ်စည်ပင်ရွေးကောက်ပွဲတွင် ၀င်ရောက်အရွေးခံမည့် ပါတီမှ ပါတီဝင်များနှင့် လေ့လာသူ စုစုပေါင်း ( ၅၆ ) ဦးတက်ရောက်ဆွေးနွေးခဲ့ကြသည်။
မြို့တော်စည်ပင်သာယာရေးဥပဒေအပေါ် အုပ်စုဖွဲ့ဆွေးနွေးခြင်း